Dostunun məktəbə hücum planını öyrəndi, böyük faciənin qarşısını aldı
Rusiyanın Lipetsk şəhərində yeniyetmə dostunun məktəbə silahlı hücum hazırladığını öyrənərək müəlliminə məlumat verib. Bununla da mümkün faciənin qarşısı alınıb.
Crossmedia.az xəbər verir ki, “RİA Novosti” bu barədə Rusiya İstintaq Komitəsinin Lipetsk vilayəti üzrə İstintaq İdarəsinə istinadən məlumat yayıb.
Bildirilib ki, uşaqlıqdan dost olan yeniyetmələrin əlaqəsi 2021-ci ildə kəsilsə də, ötən il yenidən bərpa olunub.
Söhbətlər zamanı yeniyetmələrdən biri dostuna özünə xəsarət yetirmək cəhdlərindən və məktəbdə şagirdlərə hücum etmək planlarından danışıb.
İstintaqın məlumatına görə, həmin şəxs bir neçə il ərzində Rusiyada qadağan edilmiş terror təşkilatının fəaliyyəti və zorakılıq məzmunlu materiallarla maraqlanıb.
Dostu əvvəlcə onu fikrindən daşındırmağa çalışıb və psixoloqa müraciət etməsini tövsiyə edib.
Lakin yeniyetmə sinif yoldaşına bıçaqla hücum etmək niyyətində olduğunu bildirən mesaj və fotoşəkil göndərdikdən sonra məktəbli vəziyyətin ciddiliyini anlayıb.
O, yazışmaları anasına və sinif rəhbərinə göstərib. Məlumat dərhal hüquq-mühafizə orqanlarına ötürülüb.
İstintaq Komitəsindən bildirilib ki, vaxtında görülən tədbirlər nəticəsində məktəbdə mümkün terror aktının qarşısı alınıb.
Hücum hazırlamaqda şübhəli bilinən yeniyetmə hazırda istintaq təcridxanasında saxlanılır və məhkəməsini gözləyir.
O, terror təşkilatının fəaliyyətində iştirak etməkdə və terror aktı törətməyə hazırlaşmaqda ittiham olunu
14:30 24.10.2026
Oxunuş sayı: 62
