Xarici xəbərlər

İsrail Livanın cənubunda Hizbullah hədəflərinə zərbə endirib

İsrail Hərbi Hava Qüvvələri Livanın cənubunda həyata keçirilən əməliyyat zamanı Hizbullah qruplaşmasına məxsus hədəflərə dəqiq zərbələr endirib.

Crossmedia.az bu barədə xarici mediaya istinadən xəbər verir.

İsrail ordusunun mətbuat xidmətinin yaydığı məlumata görə, zərbə nəticəsində təxminən 15 Hizbullah üzvü məhv edilib. Bildirilir ki, hədəf alınan şəxslər İsrail ərazisinə tank əleyhinə raket hücumu həyata keçirməyi planlaşdırırdılar.

Məlumata əsasən, əməliyyat zamanı yaraqlılara məxsus silahlar, zirehli geyimlər və qumbaralar da aşkar edilərək məhv edilib.

Qeyd olunur ki, əməliyyat regionda gərginliyin artdığı bir dövrdə baş verib. İsrail ordusu zərbələrin dəqiq kəşfiyyat məlumatları əsasında həyata keçirildiyini və bütün hədəflərin zərərsizləşdirildiyini açıqlayıb.

🖨 Çap et

16:37 03.04.2026

Oxunuş sayı: 56