Tehran Pekinlə hərbi əməkdaşlığı gücləndirir: Bavar-373-II peyk sistemi ilə yeniləndi
İran Çinin texnoloji dəstəyi ilə Bavar-373 hava hücumundan müdafiə (HHM) sistemini yeniləyərək taktiki məlumat rabitə şəbəkələri ilə inteqrasiya edib. Məlumata görə, sistemdə kabel bağlantıları aradan qaldırılıb, atəş və hədəfləmə qabiliyyətləri üçün bir neçə əməliyyat rejimi əlavə olunub. Modernləşdirmə çərçivəsində Bavar-373 ilk dəfə olaraq Çinin BeiDou peyk rabitə sisteminə inteqrasiya edilib.
Crossmedia.az bu barədə xarici mediaya istinadən xəbər verir ki, yenilənmiş Bavar-373-II versiyası fevral ayından etibarən xidmətdədir. Müharibədən sonra modernləşdirilən kompleksin yeni buraxılış qurğularının dəqiq sayı açıqlanmasa da, bir neçə qurğunun artıq aktiv istifadədə olduğu ehtimal edilir.
Bundan əlavə, İranın Mohajer-10 və Karrar kimi patrul xidməti həyata keçirən PUA modellərinin də BeiDou peyk sistemi vasitəsilə məlumat ötürmə imkanları ilə təchiz edildiyi qeyd olunur. Çin texnologiyalarının tətbiqi passiv aşkarlama imkanlarını genişləndirir və radar sistemlərinin döyüşə qədər söndürülməsinə şərait yaradır.
11:30 22.02.2026
Oxunuş sayı: 610
