Xarici xəbərlər
AKINCI-dan növbəti uğur: EREN sursatı ilə havada hədəf məhv edildi
Türkiyənin müdafiə sənayesində növbəti mühüm mərhələ qeydə alınıb. BAYKAR tərəfindən milli və yerli imkanlarla hazırlanmış Bayraktar AKINCI zərbə tipli Pilotsuz Uçuş Aparatı (PUA) əməliyyat qabiliyyətlərini genişləndirməyə davam edir. Platforma müxtəlif sursatların inteqrasiyası ilə gücünü artırır.
Crossmedia.az bu barədə xarici mediaya istinadən xəbər verir.
Daha əvvəl süni zəka əsaslı KEMANKEŞ 1 mini qanadlı raketi ilə uğurlu “hava-hava” atışları həyata keçirən AKINCI bu dəfə ROKETSAN tərəfindən hazırlanmış EREN Yüksek Sürətli Çoxməqsədli Gəzən Sursat ilə oxşar nailiyyətə imza atıb.
Keçirilən sınaq çərçivəsində AKINCI PUA-sı EREN sursatı ilə “hava-hava” rejimində atış həyata keçirib. Səmada hərəkət edən hədəf PUA tam dəqiqliklə vurularaq məhv edilib. Bu nəticə AKINCI-nin hava hədəflərinə qarşı effektivliyini və çoxməqsədli əməliyyat imkanlarını bir daha təsdiqləyib.
Mütəxəssislər bildirirlər ki, bu uğur pilotsuz platformaların hava məkanında aktiv müdafiə və hücum rolunun daha da gücləndiyini göstərir.
11:21 22.02.2026
Oxunuş sayı: 2593
