ABŞ İranın mövqeyindən narazıdır
ABŞ İranın mövqeyindən narazıdır.
Crossmedia.az xəbər verir ki ötən gün ABŞ-nin xüsusi elçisi Stiv Uitkof “Fox News” telekanalına müsahibəsində prezident Donald Trampın İranın mövqeyindən narazı qaldığını bildirib.
Uitkofun sözlərinə görə, Tramp İranın güclü hərbi təzyiqə baxmayaraq geri addım atmamasını həm “maraqlı”, həm də “məyusedici” hesab edir. O, qeyd edib ki, prezident dünən səhər ondan İranın “qırmızı xətləri” barədə soruşub və Tehranın niyə mövqeyini dəyişmədiyi ilə maraqlanıb.
ABŞ rəsmisi bildirib ki, Vaşinqton bölgədə əhəmiyyətli dəniz və hərbi gücə malikdir və bu səviyyədə təzyiq fonunda İranın danışıqlarda daha açıq mövqe ortaya qoymaması Ağ Evi təəccübləndirir.
Uitkofun sözlərinə görə, ABŞ tərəfi İranın “silah istəmədiyini iddia etdiyi halda”, konkret olaraq hansı addımlara hazır olduğunu açıqlamasını gözləyir. Ancaq onun ifadəsinə görə, Tehranı bu nöqtəyə gətirmək “asan deyil”.
10:22 22.02.2026
Oxunuş sayı: 558
