Trampdan sərt açıqlama: BİYABIRÇILIQ...
ABŞ prezidenti Donald Tramp Ali Məhkəmənin onun tətbiq etdiyi tarifləri ləğv edən qərarını “rüsvayçılıq” adlandırıb. Lakin eyni zamanda ehtiyat planının olduğunu bildirib.
Crossmedia.az CNN-ə istinadən xəbər verir. Tramp bu açıqlamanı Ağ Evdə qubernatorlarla səhər yeməyi zamanı verib.
O, iştirak edənləri tarifləri tətbiq etmək üçün alternativ planın mövcud olduğuna əmin edib.
Nəşrin məlumatına görə, Tramp administrasiyasının rəsmiləri məhkəmə məğlubiyyətinə hazırlaşır və prezidentə qərarın onun tariflərini ləğv etməsi halında digər yollarla onları tətbiq etməyə imkan verəcək planların olduğunu bildiriblər.
Mənbələr həmçinin qeyd ediblər ki, Tramp son həftələrdə Ali Məhkəmənin qərar vermək üçün çox vaxt sərf etməsindən əsəbi şəkildə narazılığını bildirib.
22:05 20.02.2026
Oxunuş sayı: 491
