Rusiya üçün "Yuxarı bığ, aşağı saqqal" dilemması: Nə "davam" deyə bilir, nə "tamam"
Rusiya prezidenti Vladimir Putin Ukraynadakı müharibədə strateji çıxılmaz vəziyyətlə üz-üzədir.
Crossmedia.az "The Economist"-ə istinadən xəbər verir.
Bildirilir ki, böyük itkilərə baxmayaraq, Rusiya qoşunlarının irəliləyişi minimal olaraq qalır.
Müasir dron müharibəsi şəraitində qüvvələrin kütləvi cəmləşdirilməsi sürətlə hədəfə çevrilir və bu da genişmiqyaslı hücumların effektivliyini azaldır.
Nəşr qeyd edir ki, səfərbərlik resursları getdikcə daha çox maliyyə imkanlarından asılı olur.
Müqaviləli hərbçilərə ödənişlər artır, müharibə hər il trilyonlarla rubla başa gəlir və Rusiya iqtisadiyyatı daha çox hərbi xərclərə bağlı vəziyyətə düşür.
Eyni zamanda, mümkün sülh ssenarisi də Kreml üçün riskli görünür. Sülh dövrünə qayıdış iqtisadi tənəzzül və sosial qeyri-sabitlik riski yarada bilər.
Üstəlik, yüz minlərlə hərbçinin reinteqrasiyası əlavə sosial və maliyyə təzyiqləri doğura bilər.
Qəzetin qənaətinə görə, Putin iki çətin seçim arasında qalıb: ağır və bahalı müharibəni davam etdirmək, yaxud da qələbə elan etməsinə imkan verməyən bir razılaşmaya getmək.
Nəşr hesab edir ki, müharibənin uzanmasının əsas səbəblərindən biri məhz bu dilemmadır.
19:47 19.02.2026
Oxunuş sayı: 472
