Gürcüstanın xarici işlər naziri Maka Boçorişvili bildirib ki, ölkənin unikal strateji rolu heç bir yol və ya layihə ilə əvəz edilə bilməz.
Crossmedia.az bu barədə xarici mediaya istinadən xəbər verir.
O qeyd edib ki, hazırda Azərbaycan və Ermənistan arasında yeni yolların tikintisi intensiv müzakirə olunur və bu, region üçün, xüsusən də əlaqə baxımından faydalıdır. Boçorişvili vurğulayıb ki, Gürcüstan bu marşrutların yaranmasını rəqabət kimi görmür və ölkə qlobal geopolitik xəritədə strateji əhəmiyyətini qoruyub saxlayır.
Nazir əlavə edib ki, bəzi siyasətçilər Ermənistan və Azərbaycan arasında münasibətlərdən sui-istifadə edərək Gürcüstanın strateji funksiyasını aşağı salmağa çalışırlar.
