Komitə sədri Antalya Azərbaycan Kültür və Həmrəylik Dərnəyinin sədri ilə görüşüb
Diasporla İş üzrə Dövlət Komitəsinin (DİDK) sədri Fuad Muradov Antalya Azərbaycan Kültür və Həmrəylik Dərnəyinin təsisçisi və rəhbəri Azər İsmayıl ilə görüşüb.
Bu barədə Crossmedia.az-a Diasporla İş üzrə Dövlət Komitəsindən məlumat verilib.
Komitə sədri xaricdə yaşayan soydaşlarımızın azərbaycançılıq ideyalarına, milli dəyərlərə sadiqliyini və xalqımızın qədim mədəniyyətinin təbliği istiqamətində gördükləri işləri yüksək qiymətləndirib, Azərbaycan icmalarının hər zaman Prezident İlham Əliyevin və Birinci vitse-prezident Mehriban Əliyevanın xüsusi diqqət və qayğısı ilə əhatə olunduğunu vurğulayıb. Eyni zamanda dərnək üzvlərinin Antalyada keçirilən Azərbaycan Mədəniyyət Elçilərinin I Forumunun təşkilində fəallıq göstərdiklərini dilə gətirib.
Səmimi qəbula görə təşəkkür edən Azər İsmayıl 2012-ci ildə yaradılan dərnəyin fəaliyyət istiqamətləri və həyata keçirdiyi layihələr barədə məlumat verib, dərnəyin fəaliyyətinə göstərilən dəstəyə görə Azərbaycan dövlətinə minnətdarlıq edib.
17:40 07.02.2026
Oxunuş sayı: 181
