Suriya Hamanın bir neçə yaşayış məntəqəsini azad edib
Suriya hökumət ordusu, əvvəllər terrorçu qrupların nəzarətində olan Hama bölgəsində bir neçə yaşayış məntəqəsini azad edib.
Crossmedia.az xəbər verir ki, hökumət qüvvələri Al-Suqaylabiyah və Mharda şəhərlərini birləşdirən magistral yol boyunca yerləşən Karnaz, Tal Meleh, Jalma, Jubbayn, Hayalin və Şeyx Hadid qəsəbələrində nəzarəti bərpa edib.
Noyabrın 27-də “Cəbhət ən-Nusra” (Rusiyada qadağan olunmuşdur) qruplaşmasının silahlıları Suriyanın şimal bölgələrinə genişmiqyaslı hücum təşkil edib. Terrorçular yaşayış məntəqələri və hərbi obyektləri ələ keçirmək üçün hücumlara başlayıb. Suriya ordusu bu hücumlara cavab olaraq əməliyyat keçirib və əks-hücumlara hazırlaşmaq üçün yenidən qruplaşıb.
Qeyd edək ki, noyabrın 30-da hökumət qüvvələri Aleppo bölgəsində terrorçu mövqelərinə zərbələr endirdiyini bildirib. Müdafiə Nazirliyi, mülki vətəndaşları və hərbçiləri qorumaq məqsədilə taktik dəyişikliklər etdiklərini qeyd edib.
Gültac Mehdizadə
05:12 03.12.2024
Oxunuş sayı: 10551
