Paşinyan: Ermənistan–Azərbaycan sərhədinin demarkasiyası TRIPP nəqliyyat layihəsinin icrası üçün zəruridir
Ermənistanın Baş naziri Nikol Paşinyan bildirib ki, Ermənistan–Azərbaycan sərhədinin demarkasiyası “Beynəlxalq sülh və rifah üçün Tramp marşrutu” (TRIPP) nəqliyyat dəhlizi layihəsinin həyata keçirilməsi üçün vacibdir. Bu barədə o, brifinq zamanı açıqlama verib.
Crossmedia.az xəbər verir ki, məlumatı erməni KİV-ləri yayıb.
Paşinyanın sözlərinə görə, hazırda müəyyən iş prosesləri davam edir və uyğun məqamda demarkasiya prosesi yenidən aktiv mərhələyə keçəcək.
“Əlbəttə, bütün bunlar yerində həyata keçiriləcək, çünki kommunikasiya xətlərinin və TRIPP layihəsinin işə salınması üçün ən azı bu sərhəd sahələri demarkasiya olunmalıdır”, — deyə baş nazir vurğulayıb.
O qeyd edib ki, hazırda ərazidə aktiv işlər aparılır və yeniliklər olduğu halda ictimaiyyətə məlumat veriləcək.
“Bu, incə yanaşma tələb edən işlərdir. Hazırda həmin incəliklərin nəzərə alınması üçün sənədlərin hazırlanması üzərində iş gedir”, — deyə Paşinyan əlavə edib.
Xumar Emilqızı
16:56 08.01.2026
Oxunuş sayı: 3123
