Saatlıda yol hərəkəti təhlükəsizliyi ilə bağlı profilaktik tədbirlər davam etdirilir
Sərnişindaşıma sahəsində təhlükəsizliyin təmin edilməsi, eləcə də, bu istiqamətdə qanunvericiliyin tələblərinə əməl olunmasına nəzarətin artırılması məqsədilə Saatlıda yol polisi əməkdaşları tərəfindən profilaktik tədbir keçirilib.
Crossmedia.az xəbər verir ki, tədbir zamanı sərnişindaşıma fəaliyyəti göstərən avtobus və mikroavtobusların texniki vəziyyəti, normadan artıq sayda oturacaqların quraşdırılması, sürücülərin müvafiq kateqoriyalı nəqliyyat vasitələrini idarə etmək hüququnun olub-olmaması, onların tibbi müayinədən keçməsi və digər normativ tələblər yoxlanılıb.
Sürücülərlə profilaktik söhbətlər aparılıb və hərəkətin təhlükəsizliyinin təmin edilməsi ilə bağlı tövsiyələr verilib.
Bu istiqamətdə tədbirlər mütəmadi olaraq davam etdiriləcək.
14:05 27.08.2025
Oxunuş sayı: 4150
