Rusiya və Azərbaycan iqtisadi əməkdaşlığı üzrə yeni istiqamətlər müəyyənləşdirilib
Rusiya və Azərbaycan iqtisadi əməkdaşlığı üzrə yeni istiqamətlər müəyyənləşdirilib.
Crossmedia.az xəbər verir ki, Rusiyanın Baş nazirinin müavini Aleksey Overçuk Rusiya və Azərbaycan arasında iqtisadi əməkdaşlıq üzrə Hökumətlərarası Komissiyanın 23-cü iclasında bildirib ki, iki ölkə arasındakı münasibətlər qarşılıqlı faydalıdır. Əsas istiqamətlər arasında regionda nəqliyyat əlaqələrinin inkişafı, qarşılıqlı hesablaşmalarda müstəqil maliyyə arxitekturasının gücləndirilməsi, energetika sahəsində əməkdaşlıq, sənaye kooperasiyası, o cümlədən gəmiqayırma və kənd təsərrüfatı, həmçinin Xəzər dənizində əməkdaşlıq qeyd olunub.
Aleksey Overçuk həmçinin Xəzər dənizində kruiz daşımalarının təşkili üçün yaxşı perspektivlərin olduğunu deyib. Onun sözlərinə görə, turistlərin Xəzəryanı ölkələrin limanlarını sərnişin gəmiləri ilə ziyarət etməsinə şərait yaradılacaq. Tərəflər kruiz daşımalarının və Xəzər dənizi regionunda turizmin inkişafına dəstək vermək barədə razılığa gəliblər.
Mehriban Yariyeva
21:03 22.08.2025
Oxunuş sayı: 769
