FSB: Azərbaycan vətəndaşı gizli sənədləri Ukraynaya ötürməyə cəhd edib
Rusiya Federal Təhlükəsizlik Xidməti (FSB) bildirib ki, Azərbaycan vətəndaşı, 1989-cu il təvəllüdlü Yadulla Ramiz oğlu Rufullayev Rusiya hərbi-sənaye kompleksinə aid gizli sənədləri Ukraynaya ötürməyə cəhd edərkən saxlanılıb.
Crossmedia.az xəbər verir ki, qurumun iddiasına görə, Rufullayev ifadəsində etiraf edib ki, bu tapşırığı Ukraynada yaşayan qardaşı — 1981-ci il təvəllüdlü Səbuhi Ramiz oğlu Rufullayev verib. FSB Səbuhini Ukrayna Təhlükəsizlik Xidmətinin (SBU) agenti kimi təqdim edir.
Məlumatda bildirilir ki, saxlanılan şəxs Kurqan vilayətindəki gizli saxlancdan sənədlər və mobil telefon götürərək onları Ukraynaya çatdırmaq niyyətində olub.
13:31 21.08.2025
Oxunuş sayı: 6702
