ÇAXAL və ŞABAK Xan Yunisdə HƏMAS rəhbərlərindən birini zərərsizləşdirdi

İsrail Müdafiə Ordusu (ÇAXAL) və Ümumi Təhlükəsizlik Xidməti (ŞABAK) 2025-ci il avqustun 9-da Xan Yunis bölgəsində keçirdiyi əməliyyat zamanı Rəfah briqadasının əsas şəxslərindən biri, HƏMAS-ın hərbi nəzarət şöbəsinin rəhbəri Nasir Musanı zərərsizləşdirib.

Crossmedia.az xarici mətbuata istinadən xəbər verir ki, Musa briqadanın döyüş hazırlığına və təlimlərinə rəhbərlik edir, həmçinin müharibə dövründə ÇAXAL əsgərlərinə və İsrailin mülki vətəndaşlarına qarşı hücumların hazırlanmasında iştirak edirdi. O, may ayında öldürülən briqada komandiri Məhəmməd Sabanexin yaxın silahdaşı olub.

Avqustun 14-də ÇAXAL Xan Yunisdə terrorçu təşkilatlara məxsus raket anbarını və bir neçə döyüş qrupunu məhv edib. Qəzzanın cənubunda onlarla hərbi infrastruktur elementi ləğv edilib, havadan terrorçular zərərsizləşdirilib. Şimal sektorunda isə qoşunlar sərhədyanı ərazilərin təhlükəsizliyini təmin etmək üçün tunel şaxtalarını və terrorçu qrupları məhv etməkdə davam edir.