“Azərbaycan Qarabağı cənnətə çevirir”- Deputat
Qarabağ iqtisadi rayonunda mehmanxana və otel tipli obyektlərin sayı ötən ilə nisbətən 28,6% artaraq 18-ə çatıb. Dövlət Statistika Komitəsinin məlumatına görə, bu ilin yanvarın 1-nə rayon üzrə mehmanxana və otellərin bölgüsü belə olub: 5-i Ağcabədidə (ötən ilki göstərici ilə dəyişməyib), 4-ü Şuşada (33,3% artım), 4-ü Tərtərdə (33,3% artım), 2-si Bərdədə (dəyişməyib), 1-i Xankəndində (yeni yaradılıb), 1-i Ağdamda (yeni yaradılıb) və 1-i Fizulidə (dəyişməyib).
Qeyd edək ki, artım əsasən Şuşa və Tərtərdə yeni obyektlərin açılması ilə bağlıdır.
Qarabağda görülən yenidənqurma və bərpa işləri barədə Crossmedia.az-a danışan Milli Məclisin deputatı Asim Mollazadə bu addımların daimi dövlət başçısının nəzarətində olduğunu vurğulayıb:
"Prezident İlham Əliyev hər imkandan istifadə edərək inşa edilən obyektləri, infrastruktur sahələrinə nəzarət edir və məhz buna görə də bu prosses dəqiqliyi ilə davam edir. Azərbaycan Qarabağı cənnətə çevirir. Buna heç bir şübhə yoxdur. Bu, Azərbaycan dövlətinin qüdrətini bütün dünyaya nümayiş etdirəcək”.
Fatimə Məmmədova
20:48 14.08.2025
Oxunuş sayı: 7383
