Ermənistan üçün Azərbaycan ərazisindən keçən yollar açılır?
Azərbaycan-Ermənistan liderlərinin Vaşinqton görüşündə əldə olunan razılıqdan sonra iki ölkə arasında nəqliyyat-kommunikasiya əlaqələrinin açılacağı ilə bağlı xəbərlər intensivləşib. Bu barədə növbəti açıqlama Ermənistan tərəfindən gəlib.
Ermənistanın ərazi idarəetməsi və infrastruktur naziri Xudatyan bildirib ki, hazırda Ermənistan üçün Azərbaycan ərazisindən keçən bu yollar hələ açılmayıb və Ermənistan vətəndaşları üçün hərəkət mümkün deyil.
“Lakin biz sürətlə onların bütün Ermənistan vətəndaşları üçün əlçatan olmasına çalışırıq,” – deyə nazir əlavə edib.
Crossmedia.az xəbər verir ki, Xudatyan vurğulayıb ki, ABŞ-da imzalanmış sənədlər nəticəsində Ermənistan yolların blokadasından azad olmasını əldə edir, eyni zamanda ölkənin ərazi bütövlüyü, suverenliyi və müstəqilliyi qorunur. Nazir prosesin birtərəfli xarakter daşıya biləcəyindən narahat olmadığını qeyd edib və sənədlərin ərazi bütövlüyü, suverenlik və qarşılıqlı prinsiplərin təminatçısı olduğunu əlavə edib.
Nicat Rüstəmzadə
14:37 14.08.2025
Oxunuş sayı: 6346
