Erməni nazir: “ABŞ, Ermənistan və Azərbaycan arasında işçi qruplar yaradılacaq”
“Ermənistan, ABŞ və Azərbaycan arasında imzalanmış sənədləri həyata keçirmək üçün yaxın gələcəkdə iş proseslərinə başlanılacaq, işçi qruplar yaradılacaq və həmin andan etibarən, əlavə məlumat təqdim etmək zərurəti yaranarsa, hökumət mütləq onu təqdim edəcək”.
Crossmedia.az xəbər verir ki, bunu jurnalistlərlə söhbətində Ermənistanın ərazi idarəetmə və infrastrukturlar naziri Davit Xudatyan deyib.
O qeyd edib ki, hökumət işçi qruplarının formatı ilə bağlı da əlavə məlumat təqdim edəcək.
Erməni nazir əmin edib ki, işçi qruplarının formalaşdırılması uzun çəkməyəcək.
Xudatyan azərbaycanlıların Ermənistan ərazisindən keçərkən, erməni sərhədçilərlə görüşüb-görüşməyəcəklərinə dair suala hazırda lazım bilinən qədər məlumat verildiyi cavabını verib: “Hazırda əlavə edəcəyim heç nə yoxdur”.
14:10 14.08.2025
Oxunuş sayı: 5714
