"Rusiya hakimiyyətinin mətbəxində Azərbaycana qarşı təxribat planlaşdırılır" - Deputat
"Rusiya hakimiyyətinin mətbəxində Azərbaycana qarşı təxribat xarakterli müxtəlif mövzular hazırlanır və solovyovlara həmin mövzularda danışmağa tapşırıq verilir. Vladimir Solovyov və Dövlət Dumasnın bir çox deputatları Azərbaycanı xüsusi hərbi əməliyyat keçirməklə hədələməsi və Azərbaycan diasporuna qarşı müharibə elan etməsi bir nəticə vermədi".
Bunu Crossmedia.az-a açıqlamasında Milli Məclisin deputatı Azər Badamov deyib.
O bildirib ki, indi yeni bir çirkin plana əl ataraq Azərbaycanda milli məsələni gündəmə gətirməklə ölkədə milli birliyi pozmaq istiqamətində cəhd edirlər: "Solovyovlar və onlara tapşırıq verənlər bilsinlər ki, Azərbaycanda yaşayan ləzgilər Azərbaycan dövləti və prezidenti ilə fəxr edir, qürur duyurlar. 44 günlük Vətən müharibəsində ləzgilər ön cəbhədə vətən torpaqını işğaldan azad etmək üçün səfərbər olunmuşdular. Yenə də lazım gələrsə, ləzgilər ölkəmizin düşmənlərinə qarşı səfərbər olunmağa və sinəsini qabağa verməyə hazırdırlar. Solovyov bilsin ki, Azərbaycanda ləzgilərin və digər xalqların haqlarına böyük hörmətlə yanaşılır. Azərbaycanda Rusiyadan fərqli olaraq milli mənsubiyyətinə görə ayrı - seçkilik yoxdur. Solovyovu Azərbaycanın ləzgilərin kompakt yaşadığı Qusar rayonuna gəlməyi dəvət edirəm. Əgər sizə ləzgilərin yaşayışı maraqlıdırsa, gəlib baxb ləzgilərin yaşadığı regiona dövlətin qayğısı necədirsə öz gözünlə görün və sənin bəh-bəhlə danışdığın Rusiyada ləzgilərin yaşadığı regionlarla müqayisə edin. Azərbaycanda milli və etnik məsubiyyətindən asıllı olmayaraq bütün xalqların nümayəndələri Hakimiyyətin Ali Orqanlarında təmsil olunurlar, dövlətin idarə edilməsində və inkişafında yaxından iştirak edirlər. Solovyov bilsin ki, mən özüm etnik ləzgiyəm və ölkənin deputatı olaraq Ali Qanunvericilik orqanında təmsil olunmağımla fəxr edərək dövlətimə və xalqıma sədaqətlə xidmət edirəm. Azərbaycanda ləzgi, talış avar və ya digər millət məsələsi yoxdur. Hamının bir yurdu var . O da Azərbaycandır. Solovyovun dedikləri isə ləzgilərdə hiddət doğurur və onun hansı məqsədlə danışdığı hamıya məlumdur".
Ayhan
12:40 14.08.2025
Oxunuş sayı: 23221
