Erməni analitik: “Ən azı 350.000 azərbaycanlı qaçqın yerləşdiriləcək, həmin hissə “proksi dövlət”ə çevriləcək”
“Razılaşma icra olunacağı halda 3 əsas mümkün nəticə gözlənilir”.
Crossmedia.az xəbər verir ki, bunu erməni siyasi texnoloq, analitik Viqen Hakobyan deyib.
“Birincisi, biz Ermənistanın kiprləşməsi ilə üz-üzə qalacağıq. Yəni Kiprin yunan və türk hissələrinə bölündüyü kimi, bu halda da əslində həmin variant yenidən oynanacaq. Ermənistanda nominal-formal baxımdan tamamilə Ermənistan hakimiyyətinin nəzarətində olan Ermənistan və Zəngəzurda faktiki olaraq Ermənistan hakimiyyətinin nəzarətində olmayacaq bir hissə olacaq. Bu, Türkiyə-Azərbaycan təsirində olan hissə olacaq”, - deyə o qeyd edib.
Hakobyan bildirib ki, ikincisi, əgər Vaşinqtonda imzalanan icra olunarsa, Ermənistan suriyalaşma yoluna gedəcək.
“Çünki elə alınacaq ki, kiçik Ermənistanda bir tərəfdə Rusiya hərbi bazası, digər tərəfdə isə ABŞ-nin nəzarəti altında olan “çeveka” olacaq. Bu şəkildə, əslində, Ermənistan ərazisində geosiyasi və regional güc mərkəzləri arasında toqquşma baş verə bilər. Üçüncüsü, Ermənistanın həmin ərazisi faktiki olaraq Azərbaycan və Türkiyə üçün “keçid həyəti” olacaq, orada, böyük ehtimalla, ən azı 350.000 azərbaycanlı qaçqın yerləşdiriləcək. Onlar bu barədə çox danışırlar, bu halda həmin hissə “proksi dövlət”ə çevriləcək”, - deyə erməni analitik vurğulayıb.
16:43 13.08.2025
Oxunuş sayı: 1138
