Ermənistan Azərbaycan ilə sülh müqaviləsinin bəndlərinə hörmətsizlik etməkdə davam edir
Bakı və İrəvan arasında sülh sazişinin paraflanması fonunda erməni radikalları nifrəti qızışdırmaqda davam edirlər. Faşist “Daşnaksütyun” partiyası gənclər üçün hərbi düşərgə təşkil edib. Bu düşərgədə iştirakçılara yalnız hərbi bacarıqlar öyrədilməyib, həm də radikalizm, separatizm və faşizm təbliğ olunub.
Crossmedia.az xəbər verir ki, avqustun 11-də Bürükan qəsəbəsində həmin düşərgənin “açıq qapı günü” keçirilib. Təlimlər separatçı simvollar, şüarlar və ekstremist ideyalarla açıq şəkildə zəngin olub. Tədbirdə gənclər, o cümlədən Gürcüstanın Cavaxetiya bölgəsindən gəlmiş separatçılar iştirak ediblər.
Bu tədbiri dəstəkləyən Ermənistan parlamentinin deputatları da düşərgədə iştirak ediblər. “Ordu 2025” adlanan düşərgə “Vətən hər şeydən üstündür” şüarı altında keçirilir. Məqsəd – zorakılığa, separatizmə və radikal ideyaların yayılmasına hazır olan fanatik düşüncəli yeni nəsil yetişdirməkdir.
Bütün bunlar regionda sülh istiqamətində atılan addımlara tamamilə ziddir. Azərbaycan və Ermənistan arasında imzalanmış son saziş ərazi bütövlüyünə hörmət edilməsini, ekstremizm və separatizmlə mübarizəni nəzərdə tutur. Lakin bu kimi düşərgələr və radikal ideologiyanın açıq təbliği həmin prosesi təhlükə altına qoyur.
Bununla da İrəvan bir daha faşist dövlət olduğunu təsdiqləmiş oldu.
Pərvin Hacıyeva
15:52 13.08.2025
Oxunuş sayı: 6638
