Ermənistan Vaşinqtondakı razılaşmalardan boyun qaçıra bilərmi?- Deputat
“Ermənistan sülh sazişinin şərtlərinə əməl etməyə məcburdur. İlk növbədə ona görə ki, burada ABŞ Prezidentinin də imzası var və Ermənistan bu sənədə imza atmaqla öhdəlik götürür”.
Bunu Crossmedia.az-a açıqlamasında Milli Məclisin deputatı Nigar Məmmədova deyib.
O bildirib ki, öhdəliyin pozulması həm də ABŞ Prezidenti Donald Trampa hörmətsizlik olar: “Bunu Azərbaycan Prezidenti İlham Əliyev Vaşinqtonda jurnalistlərə müsahibəsi zamanı da söylədi. Digər tərəfdən, saziş qüvvəyə mindikdən sonra BMT Nizamnaməsinin 102-ci maddəsinə uyğun olaraq qeydiyyata alınır. 102-ci maddə isə beynəlxalq müqavilələrin ictimaiyyətə açıq olmasını və bütün üzv dövlətlərin onlardan xəbərdar olmasını təmin edir, hesabatlılığı gücləndirir və gizli sövdələşmələrin qarşısını alır. Yəni bu, Ermənistanın həm də beynəlxalq ictimaiyyət qarşısında məsuliyyətini artırır. Bu mənada hesab edirəm ki, Ermənistan kimi kiçik ölkə bu riskə getməyəcək”.
Kənan Novruzov
21:11 12.08.2025
Oxunuş sayı: 8837
