Türkiyənin “Hürriyet” qəzeti Devid Lemminin Vaşinqton Zirvəsinə dair açıqlaması barədə məqalə yayımlayıb
Türkiyənin “Hürriyet” qəzeti Britaniyanın xarici işlər naziri Devid Lemminin Vaşinqton Zirvəsinə dair açıqlaması barədə məqalə yayımlayıb.
Crossmedia.az xəbər verir ki, məqalədə Lemminin “Azərbaycan və Ermənistanı sülh istiqamətində atılan cəsarətli addımlara görə təbrik edirəm” ifadəsinə yer verilib.
Bildirilib ki, “X” sosial şəbəkə hesabında verilən açıqlamada bu irəliləyişin əldə olunmasında ABŞ Prezidenti Donald Trampın həlledici rolu yüksək qiymətləndirilib.
Yazıda nazirin Böyük Britaniyanın Cənubi Qafqazda hər iki tərəf öhdəliklərinə sadiq qaldığı təqdirdə ölkəsinin sülhü dəstəkləməyə hazır olduğuna dair fikirləri yer alıb.
Bununla yanaşı, məqalədə Devid Lemminin 2007-ci ildən fəaliyyət göstərən “Türkiyənin Dostları İşçi Partiyası Qrupu”nun (Labour Friends of Turkey – LfT) qurucu üzvlərindən biri olduğu qeyd edilib.
18:47 12.08.2025
Oxunuş sayı: 786
