KİV: " Rusiyanın Ukraynadakı Azərbaycan enerji obyektlərinə hücumları, Bakını Kiyevə silah yardımı etməyə məcbur edə bilər"
Rusiyanın Ukraynada Azərbaycana məxsus enerji infrastrukturuna qarşı artan hücumları, Bakının Kiyevə silah yardımı mövqeyində dəyişiklik yarada bilər.
Crossmedia.az “Kyivindependent” ə istinadən xəbər verir ki, Azərbaycan indiyədək bu cür yardımlara məsafəli yanaşsa da, son hadisələr mövqeyin dəyişməsinə səbəb ola bilər.
8 avqust 2025-də Rusiya Odessa bölgəsində SOCAR-a məxsus neft anbarına “Shahed” pilotsuz uçuş aparatları ilə hücum edib. Hücum nəticəsində dörd SOCAR işçisi yaralanıb, dizel boru xətti zədələnib. Bu, Rusiyanın Ukraynadakı Azərbaycan enerji obyektlərinə ikinci böyük hücumu kimi qeydə alınıb. Daha əvvəl iyun ayında Orlivka yaxınlığında qaz paylama stansiyası hədəfə alınmışdı.
Azərbaycan Prezidenti İlham Əliyev və Ukrayna Prezidenti Volodimir Zelenski telefon danışığında hücumları qınayıb və enerji sahəsində əməkdaşlığın davam edəcəyini vurğulayıb. Zelenski isə bu hücumların təkcə obyektlərə deyil, iki ölkə arasındakı əməkdaşlığa da təhdid olduğunu bildirib.(Ordu.az)
12:45 12.08.2025
Oxunuş sayı: 740
