Dünən təzyiq dilini seçənlərin bu gün əməkdaşlıq xəttinə keçməsi də göstərir ki, İlham Əliyevin strateji xətti nəticə verir" - DEPUTAT
Vaxtilə dünya dövlətlərindən ədalət və sülh istəyən Azərbaycan bu gün dünyada əmin amanlıq və sabitlik yaradır. Keçmişdə Azərbaycana qarşı təzyiq və ultimatum dilində danışanlar bu gün tarixin yazdığı reallığı qəbul etmək məcburiyyətində qalıblar. Bu, qalib Prezident İlham Əliyevin rəhbərliyi ilə Azərbaycanın diplomatik və siyasi səhnədə qazandığı növbəti parlaq zəfərdir. Onun uzaqgörən siyasəti və qətiyyətli liderliyi Cənubi Qafqazda sülh və sabitliyin bərqərar olmasına, regionun əsrlərdir davam edən münaqişələrdən azad olmasına imkan yaratdı. Azərbaycan diplomatiyasının bu uğuru təkcə ölkəmizin maraqlarının qorunması ilə məhdudlaşmır, həm də beynəlxalq ədalətin və suverenliyin təntənəsi kimi tarixə yazılır.
Milli Məclisin deputatı Elnarə Akimova Crossmedia.az-a Prezident İlham Əliyevin balanslı və uzaqgörən siyasəti ilə bağlı açıqlama verib:
“Prezident İlham Əliyev Azərbaycanın gücüdür. Rəmz və simvol deyil, məhz gücüdür. Ölkənin adını ən mötəbər kürsülərdə uğurla təmsil edib, bayrağını ən uca zirvələrdə dalğalandırıb. Onun sayəsində Azərbaycan diplomatiyası təkcə hərbi qələbə ilə deyil, ardınca gələn siyasi-diplomatik mərhələdə də mövqelərini qoruyub möhkəmləndirib. İlham Əliyevin gücü ondadır ki, milli-diplomatik səriştə, peşəkar və ali mənəvi-əxlaqi təməllər üzərində qərar tapan lider kimi özünü xalqa və dünyaya tanıda bilib. Bütün yönlərdə siyasi oriyentiri düzgün müəyyənləşdirməklə istər milli enerjinin hərarətini, istərsə də digər dövlətlərin diqqətini Azərbaycana yönəldə bilib. Bu, fenomenal zəka, uğur hadisəsidir. Bu mənada, “Qalib Prezident” ifadəsi təkcə hərbi zəfəri deyil, eyni zamanda, bu zəfərin yaratdığı yeni reallıqların beynəlxalq səviyyədə qəbul etdirilməsi prosesini də əhatə edir. Dünən təzyiq dilini seçən tərəflərin bu gün əməkdaşlıq və reallığı qəbul xəttinə keçməsi də göstərir ki, İlham Əliyevin strateji xətti nəticə verir. Amma “bütün missiyalar yerinə yetirilibmi?” sualı daha geniş müzakirə mövzusudur. Ərazi bütövlüyü təmin olunub, regionda yeni nəqliyyat-kommunikasiya xəritəsi formalaşır, sülh gündəliyi irəliləyir. Lakin tam sülh müqaviləsinin imzalanması, uzunmüddətli dayanıqlı təhlükəsizlik təminatları, həm də işğaldan azad olunan ərazilərin tam bərpası kimi hədəflər hələ prosesdədir. Yəni, strateji baxımdan əsas missiyalar uğurla icra olunub, amma gələcək mərhələ bu uğurların möhkəmləndirilməsi və qalıcı olmasına yönəlməlidir. Prezident İlham Əliyevin çox böyük çətinliklə, addım-addım qazandığı bu nailiyyətlər qorunub saxlanmalı, onun adına və əməlinə layiq şəkildə davam tapıb gerçəkləşməlidir”.
Ayhan
13:00 11.08.2025
Oxunuş sayı: 24744
