Fransa senatoru: " Paris sülh prosesində mühüm rolu erməni lobbisinə görə itirdi"
Fransa Senatının üzvü Natali Qule bəyan edib ki, Paris Bakı və İrəvan arasında sülh prosesində əhəmiyyətli rol oynamaq imkanını itirib. Onun sözlərinə görə, bunun əsas səbəbi fransız siyasətçilərinin böyük əksəriyyətinin kor-koranə şəkildə erməni lobbisinin təsiri altında olmasıdır.
Crossmedia.az xarici mətbuata istinadən xəbər verir ki, Qule bildirib ki, Prezident İlham Əliyev və Baş nazir Nikol Paşinyanın Prezident Donald Trampın vasitəçiliyi ilə imzaladığı tarixi razılaşmadan məmnundur.
“Fransa mühüm rol oynaya bilərdi, əgər siyasətçilərinin 99,99 faizi erməni lobbisinin təsirində olmasaydı. İndi isə Fransa bu prosesdən kənarda qalıb,” – deyə o vurğulayıb.
Senator bildirib ki, Fransanın tezliklə Azərbaycanla yaxşı münasibətləri bərpa edəcəyini ümid edir : “Mən həmişə doğru tərəfdə olduğum üçün qürur duyuram,” – deyə Qule əlavə edib.
Pərvin Hacıyeva
14:36 09.08.2025
Oxunuş sayı: 9743
