Tolerantlığın Azərbaycan nümunəsi: "Əcnəbilər özlərini ölkəmizin vətəndaşı kimi hiss edirlər"
Prezident İlham Əliyev Vaşinqtona səfəri zamanı jurnalistlərə açıqlamasında bildirib ki, Azərbaycanda heç vaxt etnik və ya dini müxtəlifliyə əsaslanan, nəinki münaqişələr, hətta anlaşılmazlıqlar belə olmayıb.
O söyləyib ki, bu gün Azərbaycan müxtəlif dini və etnik qrupların nümayəndələrinin bir ailə kimi yaşadığı multikulturalizm mərkəzlərindən biridir.
Azərbaycan liderinin səsləndirdiyi fikirlər barədə Crossmedia.az-a danışan Milli Məclisin deputatı Aydın Hüseynov deyib ki, Azərbaycan multikultural dövlətdir. Ölkəmizdə tolerantlıq ən yüksək səviyyədədir: "İnsanlara onların kimliyindən, irqindən və ya milliyyətindən asılı olmayaraq heç bir ayrı-seçkilik tətbiq edilmir. Azərbaycanda din dövlətdən ayrıdır. Məlumdur ki, ölkəmizdə kilsə, məscid və sinaqoq fəaliyyət göstərir, insanların sərbəst şəkildə ibadət etməsi üçün şərait yaradılır. Bu baxımdan, Azərbaycanda heç bir insan heç bir sahədə ayrı-seçkiliyə məruz qalmır. Ölkəmizdə yaşayan əcnəbilər özlərini Azərbaycan vətəndaşı kimi hiss edirlər. Bu, Azərbaycanın tolerantlığın və multikulturalizmin ən yüksək səviyyədə təzahür etdiyi məkan olduğunu göstərir.”
Ayhan
13:25 09.08.2025
Oxunuş sayı: 10017
