ABŞ konqresmeni: Tramp Ermənistan və Azərbaycan arasında sülh yaradır
ABŞ Konqresinin respublikaçı üzvü Coe Uilson prezident Donald Trampın Ermənistan və Azərbaycan arasında sülh təşəbbüslərini yüksək qiymətləndirib.
Crossmedia.az xarici mətbuata istinadən xəbər verir ki, konqresmen X (əvvəlki Twitter) platformasındakı paylaşımında yazıb:
“Böyük Sülhpərvər Prezidentimiz Donald Trampı təbrik edirik! O, təkcə Ermənistanla Azərbaycan arasında sülh yaratmaqla kifayətlənmədi, həm də ABŞ üçün son dərəcə vacib olan strateji tranzit dəhlizini – beynəlxalq sülh və rifah naminə Tramp Marşrutunu təmin etdi. Bravo!”
Konqresmen Uilsonun fikirlərinə görə, Trampın bu təşəbbüsü ABŞ-ın geostrateji maraqları baxımından da əhəmiyyətlidir. O, bu addımı “beynəlxalq sülh və rifah naminə” atılmış tarixi qərar kimi dəyərləndirib.
Pərvin Hacıyeva
19:35 07.08.2025
Oxunuş sayı: 764
