Azərbaycan və Ermənistan liderləri bir araya gəlir: Keçmiş baş nazir gözləntilərini açıqladı
Son zamanlar Azərbaycanla Ermənistan arasında sülh sazişinin yaxın zamanda imzalacağına dair müxtəfif iddialar səslənirdi. Bəzi ehtimallara görə, artıq o gün gəlib çatıb. Azərbaycan növbəti diplomatik qələbəsi ərəfəsindədir: ABŞ-da Azərbaycan Prezidenti İlham Əliyevlə Ermənistan baş naziri Nikol Paşinyan arasında bu günlərdə keçiriləcək görüşdə sülh sazişinin imzalanacağını iddia edənlər var.
Keçmiş baş nazir, Azərbaycan Xalq Partiyasının sədri Pənah Hüseyn gözlənilən görüşdən gözləntilərini Crossmedia.az-la bölüşüb: "Mümkün görüşlə bağlı fərqli versiyalar var. Müxtəlif sənədlər imzalana bilər. Hətta ümumi sənəd imzalansa belə, bu anlaşma prosesinin uğurla davam etdiyini göstərər. ABŞ-nin vasitəçiliyi proseslərdə mühüm rol oynaya bilər. İmzalanacaq hansısa müqavilə mühüm geosiyasi addım olacaq".
Kənan Novruzov
12:08 07.08.2025
Oxunuş sayı: 957
