Erməni jurnalist Qarabağ klanını Şuşadakı mədəni irsin məhvində ittiham etdi
Erməni jurnalist Natali Aleksanyan Qarabağ klanına qarşı kəskin tənqidlər səsləndirib. O, illərlə Ermənistan siyasətində dominant olan və Köçəryanla, Sarkisyanla bağlı bu qrupun Şuşadakı Azərbaycan mədəni irsinə qarşı törətdiyi hərəkətləri ifşa edib.
Crossmedia.az xarici mətbuata istinadən xəbər verir ki, Aleksanyan klanı Bülbül və Xurşidbanu Natəvanın abidələrini məhv etməkdə və onları müharibə qəniməti kimi İrəvana aparmaqda ittiham edib. Abidələr illər sonra təzyiq altında geri qaytarılıb. Jurnalist “erməni incəsənətinin məhv edilməsi” ilə bağlı səslənən ittihamlara qarşı ikili standartların mövcudluğunu vurğulayıb və bildirib ki, mədəni genosid məhz Qarabağ klanı tərəfindən başlayıb.
O, əlavə edib ki, Aivazovski ancaq siyasi maraqlar üçün simvola çevrilib, Bülbül isə bu miflərə uyğun gəlmədiyindən diqqətdən kənarda qalıb. Aleksanyan qeyd edib ki, Qarabağ klanı bölgənin mədəni və mənəvi baxımdan dağılmasına səbəb olub.
Pərvin Hacıyeva
14:15 03.08.2025
Oxunuş sayı: 6971
