Nazir müavini: “”Yüksəliş”ə olan maraq ildən-ilə artır”
“Sonuncu müsabiqə bir daha göstərdi ki, “Yüksəliş”ə olan maraq ildən-ilə artır və bu, təsadüfi deyil. Müsabiqə sadəcə imtahan və ya seçim mərhələsi deyil, eyni zamanda, iştirakçılara özlərini tanımaq, inkişaf etdirmək və gələcək karyeraları üçün real fürsətlər qazanmaq imkanı yaradır”.
Bunu Crossmedia.az-a geniş müsahibəsində "Yüksəliş" müsabiqəsinin işçi qrupunun rəhbəri, gənclər və idman nazirinin müavini Fərhad Hacıyev deyib.
O bildirib ki, adətən imtahanlardan çəkinən, standart qiymətləndirmə üsullarından yorulan insanlar üçün “Yüksəliş” fərqli yanaşma təklif edir: “Burada əsas diqqət bilikdən çox bacarıq, analiz, idarəetmə kimi real idarəçilik keyfiyyətlərinə yönəlib. Bu da müsabiqəni daha maraqlı edir. Bundan əlavə, iştirakçılar fərdi inkişaf planları, mentor dəstəyi və Kadr Bankına düşmək kimi uzunmüddətli perspektivlərə görə müsabiqəyə böyük maraq göstərirlər. Beləliklə, bu tələb həm cəlbedici imkanlarla, həm də şəxsi və peşəkar inkişaf üçün yaradılan unikal platforma ilə bağlıdır. Perspektivlər doğrudan da yorğunluğu kölgədə qoyur”.
Müsahibənin tam versiyasını bu linkdən oxuya bilərsiniz:
https://crossmedia.az/az/article/39192
Kənan Novruzov
10:00 02.08.2025
Oxunuş sayı: 11714
