Azərbaycan- Çin əməkdaşlığı səhiyyə sahəsində hansı yeniliklər vəd edir?: "Pekin, Şanxay kimi şəhərlərdə..."
Bir neçə gün əvvəl səhiyyə naziri Teymur Musayevlə Çinin Azərbaycandakı səfiri Lu Mey arasında görüş zamanı tibb təhsili, elmi-tədqiqat fəaliyyətləri, əczaçılıq, innovativ texnologiyaların tətbiqi və digər maraq doğuran istiqamətlərdə birgə əməkdaşlıq imkanları müzakirə edilib.
Nazir iki ölkə rəhbərlərinin səyləri nəticəsində
Azərbaycan-Çin münasibətlərinin dinamik inkişaf etdiyini vurğulayıb:
"Dövlət başçılarının imzaladığı “Azərbaycanla Çin
arasında hərtərəfli strateji tərəfdaşlığın qurulması haqqında Birgə Bəyanat”
iki ölkə arasındakı münasibətləri daha yüksək səviyyəyə qaldırıb".
Teymur Musayev iki ölkdə arasında strateji
tərəfdaşlığın bir çox istiqamətləri əhatə etdiyini diqqətə çatdıraraq, səhiyyə
sahəsində əməkdaşlığın da bu kontekstdə xüsusi önəm daşıdığını qeyd edib.
Səfir ölkələr arasında səhiyyə sahəsində birgə
təşəbbüslərin bundan sonra da davam etdiriləcəyinə əminliyini bildirib.
Bakı ilə Pekin arasındakı hərbi əməkdaşlığın inkişafı
barədə Crossmedia.az-a danışan Milli Məclisin deputatı Müşfiq Məmmədli deyib
ki, Azərbaycan səhiyyə sistemi son on ildə sürətlə inkişaf edib: “Bunun bir
neçə səbəbi var. Birincisi, maliyyələşmə mexanizmindəki dəyişikliklərdir.
İkincisi bir çox ölkədə tətbiq olunan və sınaqdan uğurla çıxan icbari tibbi
sığortanın mövcudluğudur. Həmçinin idarəetmə sistemindəki yeniliklər də prosesə
müsbət təsir edir. Amma proses yeni olduğuna görə aparıcı dövlətlərin modelinin
öyrənilməsinə ehtiyac var. Bu baxımdan bəhəng ölkələrdən biri biri olan Çin
xüsusi önəm daşıyır. Çində dövlət səhiyyə sistemi üstünlük təşkil edir.
Azərbaycanda vəziyyət müəyyən mənada
qarışıqdır. Çində isə sərbəst bazar münasibətlərinə yol verilsə də, dövlətin tənzimləyici
rolu daha çoxdur. Xüsusilə, Pekin, Şanxay kimi şəhərlərə elə xəstəxanalar var
ki, onların insan tutumu Azərbaycanın bəzi şəhərləri qədərdir. Başqa sözlə
desək, onlar “xəstəxana –şəhərciklərdir”. Bu proseslər, o cümlədən maliyyələşmə,
həkimlərin yetişdirilməsi, təbabət sahəsindəki təcrübələr Azərbaycan üçün,
əlbəttə, əhəmiyyətlidir”.
Kənan Novruzov
14:01 31.07.2025
Oxunuş sayı: 3195
