2022-ci ildə nüvə müharibəsi başlaya bilərdi: Qarşısını İlion Mask bu yolla alıb - Üç il sonra üzə çıxdı
2022-ci ildə milyarder İlon Mask Ukrayna Silahlı Qüvvələrinin əks-hücum əməliyyatına mane olmaq məqsədilə Xerson bölgəsində Starlink peyk rabitə sistemini deaktiv etməyi əmr edib.
Crossmedia.az xəbər verir ki, bu barədə “Röyters” agentliyi yazıb.
İddialara əsasən, Maskın bu qərarı SpaceX mühəndisi Maykl Nikolls tərəfindən icra olunub və nəticədə yüzlərlə terminal söndürülüb. Bu isə Ukrayna hərbçilərini rabitəsiz qoyaraq dron və artilleriya qüvvələrinin koordinasiyasını pozub. Nəticədə Xersonun şimal-şərqində yerləşən Berislavda Rusiya mövqelərinin mühasirəyə alınması uğursuzluğa düçar olub. Həmin şəhər sonradan azad edilsə də, əməliyyatın uğursuzluğu döyüş xətlərinə təsir göstərib.
Mənbələrin sözlərinə görə, Mask bu addımı Rusiya tərəfindən mümkün nüvə eskalasiyasına dair narahatlığı səbəbilə atıb. Bununla belə, milyarder Starlinkin Ukraynanı dəstəklədiyini bildirərək sistemin qəsdən söndürülməsini təkzib edir.
SpaceX isə “Röyters”in hesabatının qeyri -dəqiq olduğunu bildirib. Amma təfərrüatlar açıqlanmayıb. ABŞ Müdafiə Nazirliyi (Pentaqon) və Ukrayna rəsmiləri məsələ ilə bağlı şərh verməkdən çəkiniblər.
Qeyd olunur ki, bu hadisə Maskın döyüş meydanında Starlink xidmətini aktiv şəkildə deaktiv etdiyi ilk məlum hadisədir. “Röyters”ə danışan mənbələrdən biri bildirib ki, Maskın bu qərarı bəzi Starlink əməkdaşlarını şoka salıb və faktiki olaraq cəbhə xəttinin dəyişməsinə səbəb olub.
22:10 25.07.2025
Oxunuş sayı: 8325
