Ermənistan, Azərbaycan və ABŞ “Tramp Körpüsü” adlı nəqliyyat dəhlizi ilə bağlı gizli memorandum imzalayıb
Cənubi Qafqazda baş verən geosiyasi proseslərə dair sensasion iddia ilə çıxış edib. Fransadakı erməni diasporunun Ermənistan hökumətindəki mənbələrə istinadla yaydığı məlumata görə, “Tramp Körpüsü nəqliyyat dəhlizi” adlı layihə üzrə Ermənistan, Azərbaycan və ABŞ arasında gizli anlaşma əldə olunub və bu memorandum artıq tərəflər tərəfindən təsdiqlənib.
Crossmedia.az xəbər verir ki, bu barədə İspaniyanın Periodista Digital nəşri məlumat yayıb.
Məlumata görə, “Tramp Körpüsü” adlanan və uzunluğu 42 kilometr olan bu nəqliyyat dəhlizi Ermənistanın Sünik (Zəngəzur) vilayətindən keçərək Azərbaycanın əsas ərazisini Naxçıvanla birləşdirəcək. Sənəddə qeyd edilir ki, Ermənistan bu bölgə üzərində formal suverenliyini saxlayacaq, lakin dəhlizin idarəsi ABŞ-dan lisenziya almış özəl bir şirkətə həvalə olunacaq. Gəlirin 40 faizi həmin şirkətə, 30 faizi isə Ermənistana çatacaq.
Periodista Digital qeyd edir ki, memorandum çərçivəsində dəhlizin təhlükəsizliyini təmin etmək üçün ABŞ-ın özəl hərbi şirkəti (PMC) bölgədə yerləşdiriləcək. Təxminən 1000 nəfərlik heyəti olan bu qüvvə dəhlizin qorunması və bütövlüyünün saxlanılması məqsədilə güc tətbiq etmək səlahiyyətinə malik olacaq.
Məqalədə vurğulanır ki, bu razılaşmanın əsas benefisiarları ABŞ və Türkiyədir. Türkiyə iqtisadi dividendlər qazanmağı hədəfləyirsə, ABŞ regionda – xüsusilə İranla sərhəddə – strateji nəzarət əldə etmək istəyir. Müəlliflər bildirirlər ki, sərhəddə silahsız əsgərlərin yerləşdirilməsi hərbi baxımdan bufer zonasının aradan qalxması deməkdir ki, bu da ABŞ və İran arasında yeni qarşıdurma riskini artırır.
Amerikanın Ermənistandakı təsirinin güclənməsi və rəsmi İrəvanın Vaşinqtonun nəzarətinə keçməsi Fransanın bölgədəki maraqları üçün ciddi diplomatik məğlubiyyət olacaq.
Nigar Rəhimova
21:49 23.07.2025
Oxunuş sayı: 11012
