"Qarabağda tikinti işləri 2035-ci ildə başa çatacaq" - Deputat
III Şuşa Qlobal Media Forumunda prezident İlham Əliyev bir sıra vacib məsələlərlə yanaşı, Böyük Qayıdış layihəsinə də diqqət ayırıb. İlham Əliyev bildirib ki, "4 il ərzində bütün gücümüzü infrastruktur layihələrinə vermişdik. Artıq o layihələrin əsas hissəsini demək olar ki, bitirmişik. İnfrastruktur layihələrinin əksəriyyəti başa çatdıqdan sonra vəsait yaşayış evlərinə istiqamətlənəcək". Böyük Qayıdış layihəsi sürətlə davam edir, abadlıq işləri aparılır və sakinlərin əksəriyyəti artıq məskunlaşıb.
Mövzu ilə bağlı Milli Məclisin deputatı Aqil Abbas Crossmedia.az-a açıqlama verib:
"Möhtərəm prezidentimiz çıxışlarında bu prosesin 2040-da başa çatacağını bildirib. Amma mən işin gedişi ilə şəxsən tanışam və prosesin necə sürətlə irəlilədiyini görürəm. İşlər 2035-də başa çatacaq. Çünki tez-tez Qarabağa gedirəm. Artıq Ağdamda 3 məhəllə hazırdır. O cümlədən Xankəndində, Şuşada böyük işlər gedir, Laçın təhvil verilib. Bu işlər belə sürətlə davam etsə nəzərdə tutduğumuz vaxtddan 5 il tez bitirəcəyik".
21:19 22.07.2025
Oxunuş sayı: 8415
