Elnur Məmmədov Kamboca rəsmiləri ilə yeni əməkdaşlığın yeni istiqamətlərini müzakirə edib
Azərbaycan və Kamboca Azərbaycan hökumət nümayəndə heyətinin Pnompendə səfəri çərçivəsində siyasi məsləhətləşmələrin 4-cü raundunu keçirib.
Crossmedia.az xəbər verir ki, Azərbaycan nümayəndə heyətinə xarici işlər nazirinin müavini Elnur Məmmədov rəhbərlik edib.
Məlumata görə, görüş siyasət, iqtisadiyyat, turizm və təhsil sahələrində əməkdaşlığın əsas məsələlərinə həsr olunub.
Yerli jurnalistlərlə söhbətində Elnur Məmmədov, həmçinin qeyd edib ki, ölkənin turizm naziri Thonq Khon ilə görüş keçirib və tərəflər turizm əlaqələrinin inkişaf potensialını müzakirə ediblər. Həmçinin nümayəndə heyətinin səfəri çərçivəsində Azərbaycan Dövlət Turizm Agentliyi ilə Kamboca nazirliyi arasında Anlaşma Memorandumu imzalanıb.
"Biz qarşılıqlı turistlərin sayını artırmaq üçün həyata keçirə biləcəyimiz müxtəlif konkret təşəbbüslər haqqında danışdıq. Mən şadam ki, biz bu istiqamətdə konkret addımları müəyyən edə bildik", - o bildirib.
E.Məmmədov səfər çərçivəsində, həmçinin Kamboca Milli Assambleyasının (parlamentin aşağı palatası) sədrinin ikinci müavini Vonq Saut ilə görüşüb.
"Kamboca və Azərbaycan 30 ildən çoxdur ki, diplomatik əlaqələrə malikdir. Son üç onillikdə münasibətlərimiz və əməkdaşlığımız daim güclənib", - V.Saut bildirib.
E.Məmmədov və V.Saut, həmçinin siyasət və iqtisadiyyat, xüsusilə investisiya və ticarət kimi prioritet sahələrdə əməkdaşlığın genişləndirilməsinin vacibliyini vurğulayıblar.
18:20 22.07.2025
Oxunuş sayı: 721
