"Beynəlxalq təşkilatlar bu günkü reallığa uyğun hərəkət etməlidir" - Deputat
Azərbaycan Prezidenti İlham Əliyev III Şuşa Qlobal Media Forumunda bildirib ki, Azərbaycan həmişə neokolonializmə qarşı olub və bu mövqeyi dəyişməzdir. O qeyd edib ki, Azərbaycan Qoşulmama Hərəkatına sədrliyi dövründə də müstəmləkə ərazilərinin azadlığı və dekolonizasiya prosesini dəstəkləyib.Prezident xüsusilə Fransa və Yeni Kaledoniya arasında baş verənləri nümunə göstərərək bildirib ki, Yeni Kaledoniya xalqının siyasi iradəsi və mübarizəsi nəticəsində saziş əldə olunub. O, digər müstəmləkə ərazilərinin də mübarizə apararaq azadlıq və dövlətlərarası münasibətlər sazişinə nail olacağına ümid etdiyini vurğulayıb.
Azərbaycan liderinin səsləndirdiyi bu fikirlər barədə Crossmedia.az-a danışan Milli Məclisin deputatı Asim Mollazadə deyib ki, artıq imperiyalar dəyişməli və öz iddialarına son qoymalıdır: "Ancaq normal ikitərəfli münasibətlər ətrafında keçmiş müstəmləkələrlə münasibətləri inkişaf etdirmək olar, qarşılıqlı maraqlar ətrafında irəli getmək olar. Prezidentin bu istiqamətdə açıqladığı fikirlər həqiqəti əks etdirir. Beynəlxalq təşkilatlar bu günkü reallığa uyğun hərəkət etməlidir. Beynəlxalq hüquq normaları real sistemə çevrilməlidir. Bu sistemi formalaşdırmaq lazımdır vəistənilən işğalçı əməllərinə görə cəzalandırılmalıdır".
Fatimə Məmmədova
14:39 21.07.2025
Oxunuş sayı: 17910
