Amerikalı professor : Azərbaycan regional mərkəzə çevrilə bilər
Azərbaycan Prezidenti İlham Əliyevin III Şuşa Qlobal Media Forumu çərçivəsində çıxışı ölkənin gələcəyi ilə bağlı iddialı fikirlərlə yadda qalıb. ABŞ-ın Atlantic Universitetinin (BAU) professoru, Beynəlxalq Qlobal Siyasət İnstitutunun prezidenti Paolo fon Şirax bildirib.
Crossmedia.az bu barədə Caliber istinadla xəbər verir. Professor vurğulayıb ki, Prezident Əliyevin çıxışından belə nəticəyə gəlmək olar: Azərbaycan Cənubi Qafqazda regional mərkəzə çevrilmək niyyətindədir.
“Azərbaycan Avropa, Mərkəzi Asiya və Yaxın Şərq arasında ticarət, investisiya, biznes, turizm və humanitar mübadilələr üçün əsas əlaqələndirici rol oynamaq istəyir”, – deyə professor qeyd edib.
Fon Şirax əlavə edib ki, onu xüsusilə Azərbaycanın iqtisadi inkişaf strategiyası və xarici sərmayələri cəlb etmək üçün atdığı addımlar maraqlandırıb.
“Azərbaycanın böyük potensialı var. Qarabağın bərpası uzun illər işğal altında yaşamış əhalinin normal həyata qayıtması üçün mühüm imkanlar yaradır. Prezident İlham Əliyev ölkənin gələcək baxışını çox aydın ifadə etdi – Azərbaycan Şərqlə Qərbi birləşdirən əsas nəqliyyat-logistika və iqtisadi mərkəz olmaq istəyir. Regionda sabit sülh təmin olunarsa, bu hədəf reallaşa bilər. Bu, hər kəs üçün faydalı olacaq bir fürsətdir”, deyə Paolo fon Şirax qeyd edib.
Nigar Rəhimova
13:13 21.07.2025
Oxunuş sayı: 8387
