Ukrayna "Funksional məğlubiyyət" savaş strategiyasını yenidən tətbiq edir
"Ukrayna tərəfi savaşda atəşkəs mövzusunun müttəfiqlərin gündəliyindən sürətlə çıxarılması fonunda özünün "Funksional məğlubiyyət" savaş strategiyasını yenidən tətbiq etməyə başlayır. Təchizat zəncirinin başında duran dövlətlərin siyasi-hərbi rəhbərliyini bu strategiyanın effektivliyinə yenidən inandıra bildi".
Bunu Crossmedia.az-a açıqlamasınsa politoloq Qədir Aslan deyib.
O bildirib ki, Rusiyanın Qara Dəniz Donanması "funksional məğlubiyyət" strategiyasının uğurlu tətbiqi nəticəsində nəinki hövzədə savaşı davam etdirməyi dayandırdı,hətta daimi dislokasiya yerini tərk edib Gürcüstan sahillərinə yerini dəyişdi, yəni qaçdı: "Halbuki donanmanın gəmilərinin və şəxsi heyətinin yarısı hələ də sırada idi və operativ idi. " Funksional məğlubiyyət" nəticəsində komandan, generallar, mənzil qərargahlar, flaqman döyüş gəmiləri və minabasdıranlar nöqtə atışları ilə sıradan çıxarıldı.
Bununla da donanma qarşısına qoyulan strateji hədəfi - Odessanın işğal edilməsi hədəfini birdəfəlik unutmalı oldu. Elə bu strategiyanın əsas əhəmiyyətli cəhəti də budur - düşmənin strateji hədəflərə aparan bütün vasitələri darmadağın etmək, atrisiya savaşına, tükəndirməyə cəlb etmək".
Ekspert "Funksional məğlubiyyət" strategiyasının əsas məqamlarını açıqlayıb:
"Bunlardan birincisi, strateji hədəflərə nail olmaq potensialının məhv edilməsidir. Bu məqamda düşmənin canlı qüvvəsi, silah-sursat təchizatı və operativ potensialı ixtiyarı formada deyil, nöqtə atışları ilə effektiv formada sıradan çıxarılır. Nəticədə düşmən savaşı davam etdirmək qabiliyyətini saxlasa da strateji hədəfləri unutmalı olur.Çünki yerində sayır. İkincisi odur ki, savaş planının inkişaf tempi tormozlanır. Savaş aparmaq gücünü saxlasa da irəliyə hərəkət,böyük ərazilərin işğalı və digər strateji hədəflər tormozlanır.
Üçüncüsü, darmadağın etməkdir. Düşmənin kommunikasiyasını, logistikasını , komanda-kontrol qabiliyyətini sıradan çıxartmaq ,həmçinin aldadıcı manevrlər edərək silahlı qüvvələrini yerindən oynatmaqla onun "funksional məğlubiyyətini" təmin etmək. Bu savaş strategiyası yalnız tükəndirmə anlamına gəlmir. Böyük həcmdə və anlamda düşmənin əlindəki resurs və potensialın effektiv idarəolunması bacarığının itirməsi nəticəsində ciddi demoralizasiya və mərkəzdənqaçma meyllərinin ortaya çıxmasına yol açır".
Kənan Novruzov
23:54 16.07.2025
Oxunuş sayı: 5157
