Polis ikitəkərli nəqliyyat vasitələri ilə bağlı nəzarət və profilaktik tədbirləri davam etdirir
Polis əməkdaşları ikitəkərli nəqliyyat vasitələrinin iştirakı ilə baş verə biləcək yol-nəqliyyat hadisələrinin qarşısının alınması məqsədilə nəzarət və profilaktik tədbirləri davam etdirir.
Daxili İşlər Nazirliyinin Mətbuat Xidmətindən Crossmedia.az-a verilən məlumata görə, bu çərçivədə yol hərəkəti qaydalarını pozan, sürət həddini aşan və təhlükəli manevrlər edən sürücülər müəyyən olunur, onlarla maarifləndirici söhbətlər aparılır.
Sürücülərə qanunvericiliyin tələbləri izah edilir, qayda pozuntularının digər hərəkət iştirakçıları üçün yaratdığı təhlükələr diqqətə çatdırılır. Eyni zamanda, yol hərəkəti qaydalarını kobud şəkildə pozan şəxslər barəsində ciddi intizam tədbirləri görülür.
Məlumatda həmçinin qeyd olunur ki, "bir daha hər bir yol hərəkəti iştirakçısını diqqətli olmağa və qaydalara riayət etməyə çağırırıq".
22:50 14.07.2025
Oxunuş sayı: 9399
