Türkiyə Azərbaycan və Ermənistan liderlərinin BƏƏ-dəki görüşündən narahat olub- Səbəb açıqlandı
İyulun 10-da BƏƏ-nin paytaxtı Əbu- Dabidə Azərbaycan Prezidenti İlham Əliyevlə Ermənistan baş naziri Nikol Paşinyan arasında baş tutan Cənubi Qafqazda yeni siyasi dinamikanın müşahidə olunması baxımından diqqət çəkir. Müxtəlif siyasi aktorlar sözügedən birbaşa görüşü alqışlayıblar. Yaxın zamanda tərəflər arasınsa sülhün əldə olunmasına ümid var. Bəs bu, doğrudan da, realdırmır?
Bu barədə Crossmedia.az-a danışan türkiyəli siyasi şərhçi Hasan Oktay qeyd edib ki, noyabrın 10-da əldə olunan atəşkəs razılaşmasından sonra Azərbaycan və Ermənistan arasında müxtəlif vaxt və məkanlarda görüşlər keçirilib: "Ən son Əbu-Dabidə keçirilən görüş iki tərəfin ilk dəfə belə uzun və ətraflı görüşü oldu. Bu yaxınlarda Paşinyan İstanbula səfər edəndə Azərbaycan prezidenti də Türkiyədə idi. Biz bu görüşün İstanbulda keçirilməsini və heç bir şərt qoyulmadan üçtərəfli sülh sazişinin imzalanmasının tərəfdarıyıq. Türkiyə 10 Noyabr atəşkəs razılaşmasında iştirak etmək istəsə də, bu, alınmadı. Rəsmi Ankara sonradan müşahidəçi qismində proseslərdən kənarda qaldı. Türkiyənin də Əbu-Dabidəki bu görüşlə bağlı gözləntiləri var və prosesi diqqətlə izləyir. Türkiyənin prioriteti Cənubi Qafqazda tezliklə sülhün bərqərar olmasıdır. Ankara Azərbaycanın bu prosesdən maksimum fayda əldə etməsini gözləyir. Türkiyə Kürdüstan, Azərbaycan və Ermənistanla sərhəd qapılarını açanda bölgədə sabit sülh istəyirdi. Lakin Ermənistan Rusiyanın rəhbərliyi altında Qarabağa hücum edəndə Türkiyə Ermənistana açdığı sərhəd qapılarını bağladı. 44 günlük müharibədən sonra Türkiyənin sərhədlərini Ermənistana açacağı gözlənilirdi. Lakin Türkiyə Azərbaycanın xeyrinə olmaq və Cənubi Qafqazda müstəqilliyi təmin etmək üçün sərhəd qapısını bağlı saxladı, ardıcıl olaraq üçlü sülhün tərəfdarı oldu. İstanbulda imzalanması ehtimal olunan Türkiyə-Ermənistan-Azərbaycan üçtərəfli sülh sazişi Ankranın Cənubi Qafqazla bağlı maraqlarına uyğundur. Lakin Azərbaycan və Ermənistan liderlərlərinin İstanbul əvəzinə Əbu-Dabini seçmşsi Türkiyəni narahat edir. Düşünürəm ki, Türkiyə, Azərbaycan və Ermənistan heç bir ilkin şərt olmadan təcili olaraq İstanbulda sülh müqaviləsi imzalamalıdırlar".
Kənan Novruzov
18:28 12.07.2025
Oxunuş sayı: 1282
