Azərbaycan beynəlxalq təşkilatlarda keçirilən 6 seçkidə qalib gəldi
Son 40 gün ərzində beynəlxalq təşkilatlar çərçivəsində keçirilmiş və Azərbaycan Respublikası və onun vətəndaşlarının namizəd olduğu 6 seçkinin hər birində qələbə qazanılıb. Bu uğurlar beynəlxalq ictimaiyyət tərəfindən Azərbaycana göstərilən artan etimadın aydın göstəricisi kimi qiymətləndirilir.
Crossmedia.az xəbər verir ki, qazanılmış seçkilər aşağıdakılardır:
BMT-nin Məskunlaşma Proqramının İcraiyyə Şurası (2025–2029-cu illər üzrə)
BMT Turizmin İcraiyyə Şurası (2025–2029-cu illər üzrə)
UNESCO-nun Mədəni Özünüifadə Müxtəlifliyinin Qorunması və Təşviqi üzrə Komitə (2025–2029-cu illər üzrə)
BMT-nin Əməkçi Miqrantlar üzrə Komitəsinin üzvlüyü (2026–2029-cu illər üzrə)
BMT-nin Ətraf Mühit Proqramının Daimi Nümayəndələr Komitəsinə sədrlik
Beynəlxalq Mülki Müdafiə Təşkilatının Baş Katibi vəzifəsi
Bu uğurlar Azərbaycanın beynəlxalq arenada artan nüfuzunu və çoxtərəfli diplomatiyadakı fəal iştirakını bir daha təsdiqləyir.
00:00 12.07.2025
Oxunuş sayı: 886
