Putin rus dili ilə bağlı fərman imzaladı -təhlükə?!
Rusiya Prezidenti Vladimir Putin dövlət dil siyasətinin əsaslarını təsdiqləyən fərmanı imzalayıb . Fərmanda bu siyasətin məqsədi — rus dilinin, Rusiya respublikalarının dövlət dillərinin və digər xalqların dillərinin qorunması, inkişafı və dəstəklənməsi, eləcə də rus dilinin beynəlxalq aləmdə təşviq edilməsi olduğu qeyd edilir.
Crossmedia.az xəbər verir ki, sözügedən Fərman mətnində xüsusi diqqət çəkən və qonşu dövlətlər üçün narahatlıqverici məqamlar yer alıb.
Fərmanda "Rusiya rus dilinin istifadəsinin məhdudlaşdırılması, rus mədəniyyətinin (o cümlədən rus ədəbiyyatının) «ləğvi», Rusiya mediasına qarşı ayrı-seçkilik, eləcə də ənənəvi rus mənəvi-əxlaqi dəyərlərə zidd ideoloji təsirlərin tətbiqi cəhdlərinə uğurla qarşı durur." bəndinin qeyd edilməsi böyük ehtimalla son dövrlər qonşu dövlətlərdə rus dili ilə bağlı yaranmış vəziyyətlə bağlıdır.
Həmçinin sənəddə dövlət dil siyasəti sahəsində beş əsas təhlükə olduğu qeyd edilir və onlardan biri kimi:
Bəzi xarici dövlətlərin rus dilinin istifadəsini məhdudlaşdırmaq səyləri; vurğulanır.
Fərmanın maraqlı hissələrindən biri də, yetkinlik yaşına çatmayan əcnəbi vətəndaşların rus dili biliklərini yoxlamaq üçün test sisteminin tətbiq olunacağı, bundan əlavə, əcnəbilərin Rusiyaya dil baxımından uyğunlaşma səviyyəsinin qiymətləndirilməsi mexanizmi təkmilləşdiriləcəyidir.
22:20 11.07.2025
Oxunuş sayı: 1221
