Qahirədə diaspor mərkəzində milli mətbəximizin təbliği məqsədilə dərs keçirilib
Qahirədə fəaliyyət göstərən Misir-Azərbaycan Dostluq Cəmiyyətinin nəzdində Xalqlar Dostluğu Akademiyasında milli mətbəximizin təbliği məqsədilə dərs keçirilib.
Crossmedia.az xəbər verir ki, diaspor fəalı İnarə Osmanovanın və azərbaycanşünas Əsma Əhmədin təqdimatı ilə keçirilən dərsdə Azərbaycan dilini öyrənən yerli tələbələr iştirak ediblər.
Dərs zamanı tələbələrə ölkəmizin zəngin mətbəxi barədə məlumat verilib. Daha sonra milli yeməklərimizdən bir neçəsi hazırlanıb. Yemək süfrəsi ətrafında Azərbaycan dilində söhbətlər edilib, tələbələr həm dil biliklərini təkmilləşdiriblər, həm də Azərbaycan mədəniyyəti ilə daha yaxından tanış olublar.
Qeyd edək ki, Akademiyada Azərbaycan dilində səlis danışığı inkişaf etdirmək məqsədilə ayrıca Danışıq klubu da fəaliyyət göstərməyə başlayıb.
Xatırladaq ki, Misir-Azərbaycan Xalqlar Dostluğu Akademiyası elm və incəsənət sahələri üzrə müxtəlif layihələr həyata keçirir. Burada Azərbaycan dili ilə yanaşı, xəttatlıq, ərəb dili və ədəbiyyatı, “Qurani-Kərim”in qiraəti, xalçaçılıq, muğam sənəti və digər istiqamətlərdə 59 ölkədən 650-dən çox tələbə ödənişsiz şəkildə təhsil alır.
19:12 10.07.2025
Oxunuş sayı: 9846
