Ankarada TDT Mədəniyyət və turizm nazirlərinin 10-cu toplantısı keçirilir
Bu gün Türkiyənin paytaxtı Ankarada Türk Dövlətləri Təşkilatının (TDT) Mədəniyyət və turizm nazirlərinin 10-cu toplantısı keçirilir
Crossmedia.az xəbər verir ki, Türkiyənin Mədəniyyət və Turizm nazirliyinin ev sahibliyi ilə təşkil olunan toplantıda TDT-yə üzv və müşahidəçi ölkələrin nümayəndə heyətləri rəhbərlərinin çıxışları dinlənilib.
Tədbirin açılışını Türkiyənin mədəniyyət və turizm naziri Mehmet Nuri Ersoy edib.
O bildirib ki, Türkiyənin paytaxtı qədim keçmişi, çox sayda muzeyi ilə həm ənənəvi, həm də modern sənətin bir arada yaşadılmasında önəmli rol oynayır. Bu səbəbdən də Ankara TDT çərçivəsində 2026-cı il üçün turizm paytaxtı elan oluanacaq: "Gündəmdə olan məsələlərdən biri də budur".
TDT-nin Baş katibi Kubanbiçek Ömüralıyev çıxışında deyib ki, Türk dünyası bu beynəlxalq təşkilat səviyyəsində təkcə siyasət, iqtisadiyyat, təhsil, hüquq sahəsində deyil, mədəniyyət və turizm sahəsində də əməkdaşlığını genişləndirir.
Qeyd edək ki, bu tədbirdə Azərbaycanı Dövlət Turizm Agentliyinin sədri Fuad Nağıyev təmsil edir.
11:46 09.07.2025
Oxunuş sayı: 7639
