Ermənistan Rusiya ilə gərginliklə bağlı Azərbaycana hansı jest etdi? - Sensasion açıqlama
Ermənistan Xarici İşlər Nazirliyindən verilən məlumata görə, Rəsmi İrəvan üçüncü dövlətlərin Ermənistan ərazisindən digər ölkələrə qarşı hərbi əməliyyat üçün istifadə olunması ehtimalını rədd edib.
“Mətbuatda yer alan bəzi uydurma məlumatlara cavab olaraq Ermənistan öz prinsipial mövqeyini bir daha təsdiqləyir: ölkə ərazisi üçüncü dövlətlər tərəfindən heç bir qonşu ölkəyə qarşı hərbi əməliyyatlar həyata keçirmək üçün istifadə edilə bilməz”, - bəyanatda vurğulanır.
Ermənistan konkret ad çəkilib. Amma ehtimal olunur ki, bu, bəyanatda Rusiyanın Ermənistan ərazisindən Azərbaycana qarşı istifadə edilməsi cəhdi nəzərdə tutulur.
Rəsmi İrəvanın yaydığı bəyanat barədə Crossmedia.az-a danışan politoloq Elxan Şahinoğlunun sözlərinə görə, Ermənistan hakimiyyətinin son açıqlamaları eyni anda həm Moskvaya, həm də Bakıya mesajdır: "Ermənistan hakimiyyəti demək istəyir ki, Rusiyanın Gümrüdəki hərbi bazasında texnikanın artırılmasından narahatdırlar. Amma əslində buna qarşı çıxa bilməzlər. Çünki baza Rusiyaya məxsusdur. Eyni zamanda, bu, Azərbaycana da bir mesajdır ki. Ermənsistan demək istəyir ki, biz Rusiyanın Ermənistan ərazisindən Azərbaycana qarşı istifadə edilməsinin əleyhinəyik. Ermənistan hakimiyyət Rusiya-Azərbaycan münasibətlərindəki gərgin fonu nəzərə alaraq belə bir jest etmək istəyir".
Politoloq qarşıdakı günlərdə Dubayda Azərbaycan və Ermənistan arasında Birləşmiş Ərəb Əmirliklərinin iştirakı ilə keçiriləcək görüşə də toxunub: "Ümumiyyətlə, iki ölkənin də liderinin vasitəçilərsiz görüşü faydalıdır. Azərbaycan sülh sazişini imzalamağa bu gün də hazırdır. Yetər ki, Ermənistan konstitusiyada dəyişiklik edilsin. Həmin dəyişiklik baş verdiyi halda, hər iki tərəf ATƏT-in Minsk Qrupundan imtina etməyə də hazır ola bilər. Sülh sazişinin mümkün qədər tez imzalanması hər iki tərəf üçün faydalı olardı. Lakin konstitusiya dəyişmədən bu sənədin imzalanması çətin görünür".
Fatimə Məmmədova
16:25 07.07.2025
Oxunuş sayı: 958
