Səudiyyə Ərəbistanı Baş Audit Məhkəməsi Hesablama Palatasının fəaliyyətini qiymətləndirir
Səudiyyə Ərəbistanı Baş Audit Məhkəməsinin nümayəndə heyəti Hesablama Palatasının fəaliyyətinin həmkar qiymətləndirilməsi üçün Bakıda səfərdədir.
Crossmedia.az bu barədə Hesablama Palatasına istinadən xəbər verir.
Məlumata görə, Səudiyyə Ərəbistanı Ali Audit Orqanının (AAO) nümayəndə heyətini Hesablama Palatasının sədr müavini Nəsir Sadıqov qəbul edib.
Hesablama Palatasının sədr müavini nümayəndə heyətinə qiymətləndirmə təşəbbüsünə görə təşəkkür edərək iki qurum arasında mövcud əməkdaşlığın əhəmiyyətini vurğulayıb. O, Hesablama Palatasının fəaliyyətinin bundan əvvəl digər həmkar AAO-lar tərəfindən qiymətləndirildiyini və bu proseslərin uğurla başa çatdırıldığını qeyd edib.
Səudiyyə Ərəbistanı AAO-nun nümayəndə heyətinin rəhbəri Hesablama Palatasının rəhbərliyi və əməkdaşlarının qonaqpərvərliyinə görə minnətdarlığını ifadə edib, AAO tərəfindən həyata keçirilən həmkar qiymətləndirmələr barədə qısa məlumat verərək bu layihənin də uğurla icra olunacağına əminliyini bildirib.
10:44 04.07.2025
Oxunuş sayı: 7831
