“Sputnik Azərbaycan” işi: Saxlanılan 7 nəfərdən 5-i azadlığa buraxılıb
“Sputnik Azərbaycan” informasiya agentliyi ilə bağlı başlanmış cinayət işi üzrə saxlanılan şəxslərlə bağlı yeni qərar verilib. Saxlanılan 7 nəfərdən 5-i ölkədən çıxış qadağası ilə azadlığa buraxılıb. Onların hamısının Azərbaycan vətəndaşı olduğu bildirilir.
Crossmedia.az xarici mediaya istinadən bildirir ki, istintaqın davam etdiyi müddətdə agentliyin rəhbəri İqor Kartavıx və baş redaktoru Yevgeni Belousovun barəsində həbs qətimkan tədbiri qüvvədə saxlanılıb.
Hazırda istintaq orqanları “Sputnik Azərbaycan” işi üzrə araşdırmaları davam etdirir. İttihamlarla bağlı rəsmi açıqlama verilməsə də, mənbələr prosesin media təhlükəsizliyi və milli maraqlar kontekstində qiymətləndirildiyini bildirir.
Xatırladaq ki, iyun ayında “Sputnik Azərbaycan” informasiya agentliyinin bir neçə əməkdaşı saxlanılmış, onların fəaliyyətində qanun pozuntularının olub-olmaması ilə bağlı araşdırmalara başlanılmışdı.
Fatimə Nəbiyeva
19:33 03.07.2025
Oxunuş sayı: 8881
