Mərakeşli jurnalistlərə Azərbaycanın regiondakı lider mövqeyi barədə məlumat verilib
Milli Məclisin deputatları - Soltan Məmmədov, Pərvanə Vəliyeva və Zaur Şükürov Mərakeşin ölkəmizdə səfərdə olan nüfuzlu media orqanlarının bir qrup nümayəndəsi ilə görüşüblər.
Bu barədə Crossmedia.az-a Milli Məclisin Mətbuat və İctimaiyyətlə Əlaqələr şöbəsindən bildirilib.
Görüş zamanı Mərakeşli jurnalistlərə Azərbaycanın regiondakı lider mövqeyi, təşəbbüskarı olduğu genişmiqyaslı layihələr, ölkəmizdə mövcud olan tolerantlıq və mültikultural dəyərlər, bölgədə və dünyada sülh və sabitliyin möhkəmləndirilməsi istiqamətində fəaliyyəti barədə ətraflı məlumat verilib.
Milli Məclisin deputatları Azərbaycan və Mərakeş arasında əlaqələrin daha inkişaf etdirilməsi imkanlarından danışıblar, bu istiqamətdə Milli Məclisin parlament ölçüsündə dəstək verməyə hazır olduğunu bildiriblər. Millət vəkilləri ölkələrimizin həm ikitərəfli formatda, həm parlamentlər səviyyəsində, həm də media platformalarında əməkdaşlığı ilə bağlı fikirlərini bölüşüblər.
Söhbətdə qonaqların Azərbaycan reallıqları, Milli Məclisin fəaliyyəti ilə bağlı suallarına ətraflı cavablar verilib, mədəni, humanitar, o cümlədən hibrid təhdidlərə qarşı mübarizə kimi sahələrdə əməkdaşlıq imkanları və digər mövzular barədə fikir mübadiləsi aparılıb.
Kənan Novruzov
18:28 03.07.2025
Oxunuş sayı: 7961
