Azərbaycan və Mərakeş arasında təhsil əməkdaşlığı genişlənir
Azərbaycanın Mərakeşdəki səfiri Nazim Səmədov Krallığın ali təhsil, elmi tədqiqat və innovasiyalar naziri, professor Azzedin Əl - Midau ilə görüşüb.
Crossmedia.az diplomatik nümayəndəliyə istinadən xəbər verir ki, görüş zamanı iki ölkə arasında təhsil sahəsində əməkdaşlığın daha da inkişaf etdirilməsi əsas müzakirə mövzusu olub.
Tərəflər Azərbaycan və Mərakeşin bir sıra ali təhsil müəssisələri arasında əməkdaşlığın inkişaf etdiyini, sazişlərin imzalandığını qeyd ediblər.
Onlar bu sahədə tərəfdaşlığın inkişafı üçün gələcək addımları müzakirə ediblər.
Görüşdə, həmçinin növbəti illərdə həyata keçirilə biləcək birgə layihələr, nazirlərin qarşılıqlı səfərləri, Azərbaycan və Mərakeş arasında tələbə mübadiləsi, yay məktəblərində iştirak, ikili diplomların verilməsi məsələləri müzakirə olunub.
20:00 02.07.2025
Oxunuş sayı: 9832
